Saida Mirziyoyevaga yangi vazifa yuklatildi
O‘zbekiston Prezidenti farmoni bilan Prezident Administratsiyasi rahbari Saida Shavkatovna Mirziyoyeva amaldagi lavozimi bilan o‘rindoshlik asosida Toshkent xalqaro moliya markazi boshqaruvchisi etib tayinlandi.
Boshqaruvchi Moliya markazi kengashining Bosh kotibi hisoblanadi. U Kengash kun tartibini shakllantirishni tashkil etadi hamda rais ishtirok etmagan majlislarga raislik qiladi.
Shuningdek, Saida Mirziyoyeva Markaz nomidan xalqaro tashkilotlar, investorlar va hamkorlar bilan munosabatlarda vakillik qiladi. U kadrlar bo‘yicha qarorlarda ishtirok etish, bitimlar tuzish, ishchi guruhlar tashkil etish va ekspertlarni jalb qilish vakolatiga ega.
