O‘zbekiston va Serbiya o‘rtasida strategik sheriklik munosabatlari o‘rnatildi

Belgradda bo‘lib o‘tgan muzokaralar yakunida O‘zbekiston Prezidenti Shavkat Mirziyoyev va Serbiya Prezidenti Aleksandar Vuchich Strategik sheriklik munosabatlarini o‘rnatish to‘g‘risidagi qo‘shma deklaratsiyani imzoladilar.

Davlat rahbarlari huzurida qator ikki tomonlama hujjatlar almashildi. Ular quyidagi yo‘nalishlarni qamrab oladi:

– mehnat mobilligi va migratsiyasi;
– avtomobil transportida xalqaro yo‘lovchi va yuk tashish;
– hududlararo hamkorlik;
– qishloq va suv xo‘jaligi hamda qishloq hududlarini barqaror rivojlantirish;
– bojxona sohasida hamkorlik va o‘zaro yordam;
– Erkin savdo to‘g‘risidagi bitim bo‘yicha muzokaralarni boshlash uchun ishchi guruh tuzish;
– qayta tiklanuvchi energetika va “yashil” texnologiyalar;
– farmatsevtika va biotexnologiyalar;
– turizm va madaniy safarlar;
– O‘rta yo‘lakni qo‘llab-quvvatlash;
– temir yo‘l infratuzilmasi;
– iqtisodiy diplomatiya;
– kinematografiya va qo‘shma filmlar ishlab chiqarish;
– 2026–2028-yillarda madaniy hamkorlik;
– mehnat xavfsizligi va sog‘liqni muhofaza qilish;
– nogironligi bo‘lgan shaxslarni qo‘llab-quvvatlash;
– axborot-kommunikatsiya texnologiyalari;
– raqamlashtirish, elektron hukumat va zamonaviy texnologiyalar;
– atrof-muhitni muhofaza qilish.

Shuningdek, Samarqand viloyati va Voyevodina avtonom o‘lkasi o‘rtasida sheriklik munosabatlarini o‘rnatish bo‘yicha hujjat ham almashildi.