Xorazmda Xitoyning Lyaoning pedagogika universiteti filiali tashkil etiladi
Prezidentning 2026-yil 2-oktabrdagi PQ–359-son qaroriga muvofiq, Xorazm viloyatida Xitoy Xalq Respublikasining Lyaoning pedagogika universiteti filiali tashkil etiladi.
Ta’lim jarayoni 2026/2027 o‘quv yilidan boshlanadi. O‘qish o‘zbek, xitoy yoki ingliz tillarida, kunduzgi va muqobil ta’lim shakllarida olib boriladi.
2030/2031 o‘quv yiliga qadar qabul qilingan talabalar butun o‘qish davrida to‘liq davlat granti asosida tahsil oladi. 2030/2031 o‘quv yilidan boshlab esa qabul parametrlarining 30 foizi davlat granti asosida shakllantiriladi.
Talabalar amaliyoti hududdagi ishlab chiqarish va xizmat ko‘rsatish korxonalarida, jumladan, dual ta’lim asosida tashkil etiladi.
