Shaxmat olimpiadasi g‘oliblari davlat mukofotlari bilan taqdirlandi

Prezident Shavkat Mirziyoyevning Farmoni bilan Samarqandda o‘tkazilgan 46-Butunjahon shaxmat olimpiadasi va 3-Parashaxmat olimpiadasida munosib ishtirok etgan shaxmatchilar, murabbiylar va soha vakillari faxriy unvon, orden va medallar bilan taqdirlandi.

Jumladan:

“O‘zbekiston iftixori” faxriy unvoni bilan:

Madaminov Muxiddin Baxodirjon o‘g‘li – shaxmat bo‘yicha O‘zbekiston erkaklar milliy terma jamoasi a’zosi.

“O‘zbekiston Respublikasida xizmat ko‘rsatgan sportchi” faxriy unvoni bilan:

Abdusattorov Nodirbek Fazliddin o‘g‘li – shaxmat bo‘yicha O‘zbekiston erkaklar milliy terma jamoasi a’zosi;

Voxidov Shamsiddin Pulat o‘g‘li – shaxmat bo‘yicha O‘zbekiston erkaklar milliy terma jamoasi a’zosi;

Yakubboyev Nodirbek Murodbek o‘g‘li – shaxmat bo‘yicha O‘zbekiston erkaklar milliy terma jamoasi a’zosi.

“O‘zbekiston Respublikasida xizmat ko‘rsatgan sport ustozi” faxriy unvoni bilan:

Kasimjanov Rustam Mashrukovich – shaxmat bo‘yicha O‘zbekiston erkaklar milliy terma jamoasi bosh murabbiysi;

Shermuhammadov Samandar Nurulla o‘g‘li – parashaxmat bo‘yicha O‘zbekiston milliy terma jamoasi murabbiysi.

“O‘zbekiston Respublikasida xizmat ko‘rsatgan yoshlar murabbiysi” faxriy unvoni bilan:

Sindarov Komil Oydinovich – O‘zbekiston shaxmat federatsiyasi raisi o‘rinbosari.

“Fidokorona xizmatlari uchun” ordeni bilan:

Sindarov Javohir Sanjarbekovich – shaxmat bo‘yicha O‘zbekiston erkaklar milliy terma jamoasi a’zosi.