Komil Allamjonov “Do‘stlik” ordeni bilan mukofotlandi
Komil Allamjonov Prezident Administratsiyasi rahbarining shartnoma asosidagi maslahatchisi hamda Administratsiyaning AQSHdagi vakili sifatida O‘zbekiston–AQSH munosabatlarini yangi bosqichga olib chiqishga qo‘shgan hissasi uchun “Do‘stlik” ordeni bilan mukofotlandi.
So‘nggi bir yil davomida ikki davlat prezidentlari to‘rt marta yuzma-yuz uchrashdi, shuningdek, bir necha bor telefon orqali muloqotlar o‘tkazildi.
Bu davrda AQSH investorlarini O‘zbekistonga jalb etish faollashdi, o‘zbekistonlik tadbirkorlarning AQSHda biznes yuritishi uchun imkoniyatlar kengaydi.
Shuningdek, AQSH–O‘zbekiston ishbilarmonlik va investitsiya kengashi tashkil etildi. O‘tgan yili Vashingtonda, joriy yilda esa Toshkent xalqaro investitsiya forumi doirasida Prezident Shavkat Mirziyoyevning AQSHning yetakchi kompaniyalari delegatsiyalari bilan uchrashuvlari o‘tkazildi.
