Toshkentda bank mas’ullari mijoz omonatidan 300 ming dollarni o‘zlashtirgani aniqlandi
Bosh prokuratura huzuridagi Departamentning Sergeli tumani bo‘limi tomonidan o‘tkazilgan tekshiruvda tijorat banklaridan birining mas’ul shaxslari mijoz omonatidagi 500 ming AQSH dollarining 300 ming dollarini o‘zlashtirgani aniqlangan.
Ma’lum qilinishicha, bank mas’ullari fuqaro I.M. nomidan qalbaki ariza va boshqa hujjatlarni rasmiylashtirib, omonatdagi mablag‘ning katta qismini talon-toroj qilgan.
Holat yuzasidan Jinoyat kodeksining 167-moddasi – o‘zlashtirish yoki rastrata yo‘li bilan talon-toroj qilish hamda 228-moddasi – hujjatlarni qalbakilashtirish va ulardan foydalanish bilan jinoyat ishi qo‘zg‘atilib, tergov harakatlari olib borilmoqda.
