208 nafar “Yil o‘qituvchisi” g‘olibining har biri 616 mln so‘m bilan taqdirlanadi
O‘zbekistonda ilk bor o‘tkazilgan “Yil o‘qituvchisi” tanlovi g‘oliblari aniqlandi.
Tanlovda 208 ta tuman va shahar bo‘yicha birinchi o‘rinni egallagan 208 nafar pedagogning har biri 616 mln so‘m – bazaviy hisoblash miqdorining 1 400 baravari miqdoridagi pul mukofoti bilan taqdirlanadi.
Ma’lum qilinishicha, joriy yilgi tanlovda respublika bo‘ylab 46 ming nafardan ortiq pedagog ishtirok etgan.
Tanlov o‘qituvchilarni moddiy rag‘batlantirish bilan birga, ularning kasbiy mahoratini oshirish va ta’lim sifatini yaxshilashga xizmat qilishi ko‘zda tutilgan.
