Budjet hisoboti tasdiqlandi, sudya va profilaktika inspektori haqidagi qonunlar Senatga yuborildi
Oliy Majlis Qonunchilik palatasi 2026-yilning birinchi yarim yilligida Davlat budjeti va davlat maqsadli jamg‘armalari budjetlari ijrosi to‘g‘risidagi hisobotni tasdiqladi.
Yarim yillikda Davlat budjeti daromadlari 207,4 trln so‘mga yetgan. Budjet xarajatlarining 51,5 foizi yoki 105,8 trln so‘mi ijtimoiy sohaga yo‘naltirilgan.
Shuningdek, “Sudyaning maqomi to‘g‘risida”gi qonun loyihasi qabul qilindi. Unda sudya va xalq maslahatchilari uchun yosh senzini 35 yoshdan 30 yoshga tushirish, sudyani dastlab 5 yilga, keyin muddatsiz tayinlash nazarda tutilgan.
“Ichki ishlar organlari profilaktika inspektorining maqomi to‘g‘risida”gi qonun loyihasiga ko‘ra esa inspektor har chorakda aholi oldida hisobot beradi, fuqarolar uning faoliyatiga nisbatan “ishonchsizlik tashabbusi” bildira oladi.
Har ikki qonun Qonunchilik palatasi tomonidan qabul qilinib, Senatga yuborildi.
