O‘zbekistonda sog‘liqni saqlash xizmatlari hajmi 7 oyda 13,9 trln so‘mga yetdi
Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida O‘zbekistonda sog‘liqni saqlash sohasida ko‘rsatilgan xizmatlar hajmi qariyb 13,9 trln so‘mni tashkil etdi.
Bu 2025-yilning mos davriga nisbatan 15,3 foizga ko‘p.
Sog‘liqni saqlash xizmatlari tarkibida:
– shifoxona muassasalari xizmatlari – 31,2 foiz;
– shifokorlik amaliyoti va stomatologiya xizmatlari – 14 foiz;
– boshqa sog‘liqni saqlash xizmatlari – 54,8 foizni tashkil etgan.
Hududlar orasida eng katta hajm Toshkent shahrida – 6,4 trln so‘m qayd etilgan. Keyingi o‘rinlarda Toshkent viloyati – 1,4 trln so‘m va Samarqand viloyati – 1 trln so‘m.
Shuningdek, Farg‘onada 816,3 mlrd, Namanganda 661,6 mlrd, Andijonda 617 mlrd, Buxoroda 468,6 mlrd, Xorazmda 465,4 mlrd, Qashqadaryoda 431,5 mlrd, Qoraqalpog‘istonda 399,3 mlrd, Surxondaryoda 329,4 mlrd, Jizzaxda 307 mlrd, Sirdaryoda 242,4 mlrd va Navoiyda 233,6 mlrd so‘mlik sog‘liqni saqlash xizmatlari ko‘rsatilgan.
