Turkiyalik san’at vakillari Toshkentga keladi: konsert va kino kunlari o‘tkaziladi
O‘zbekiston Mustaqilligining 35 yilligi munosabati bilan 24–29-sentabr kunlari Toshkent shahrida “O‘zbekiston–Turkiya madaniyat va san’at uchrashuvlari” doirasida qator madaniy tadbirlar tashkil etiladi.
24-sentabr kuni soat 19:00 da “O‘zbekiston” xalqaro anjumanlar saroyida o‘zbek va turk san’at ustalarining qo‘shma konserti bo‘lib o‘tadi. Konsertga kirish bepul, joylarni iTicket.uz orqali oldindan band qilish mumkin.
25-sentabrdan “Turk kino kunlari” boshlanadi. Tantanalı ochilish marosimi 25-sentabr kuni soat 18:30 da O‘zbekiston Milliy kino san’ati saroyida o‘tkaziladi.
Unda taniqli turk aktyorlari Engin Altan Düzyatan, Özge Gürel, Serkan Çayoğlu, Deniz Barut va Emre Karayel ishtirok etishi rejalashtirilgan.
Film namoyishlari:
– 25-sentabr, 19:00 – “Ajdodlar sadosi”;
– 26-sentabr, 19:00 – “Kesilgan daraxtdek”;
– 27-sentabr, 19:00 – “Baxtlimizmi?”;
– 28-sentabr, 19:00 – “Qara, pochtachi kelyapti”;
– 29-sentabr, 19:00 – “Izquvar Reptir”.
Barcha film namoyishlari bepul.
