O‘zbekistonda Kvant metrologiya markazini tashkil etish masalasi xalqaro ekspertlar bilan muhokama qilindi
O‘zbekistonda tashkil etilgan “Quantum Technologies in Measurements” xalqaro yozgi maktabi doirasida kvant texnologiyalarini metrologiya sohasiga joriy etish hamda Kvant metrologiya markazini tashkil etish masalalari xalqaro ekspertlar ishtirokida muhokama qilindi.
Muhokamalarda AQSh Milliy standartlar va texnologiyalar instituti (NIST), Chexiya Milliy metrologiya instituti hamda boshqa xorijiy tashkilotlar mutaxassislari qatnashdi.
Dastur davomida yuqori aniqlikdagi o‘lchash etalonlarini yaratish, kvant texnologiyalarini amaliyotga joriy etish va metrologik infratuzilmani xalqaro talablar asosida rivojlantirish masalalariga alohida e’tibor qaratildi.
