Toshkent metrosidan bir kunda 1,16 mln yo‘lovchi foydalandi – yangi rekord

14-sentabr kuni Toshkent metropoliteni xizmatlaridan 1 165 550 nafar yo‘lovchi foydalandi. Bu metro tarixidagi yangi rekord ko‘rsatkich bo‘ldi.

Avvalgi eng yuqori natija 2026-yil 8-mayda qayd etilgan bo‘lib, o‘sha kuni 1 117 061 nafar yo‘lovchi tashilgan.

Metropoliten mutaxassislari oktabr oyida kunlik yo‘lovchilar soni 1,2 mln nafarga yetishi mumkinligini prognoz qilmoqda. Shu munosabat bilan 1 200 000-yo‘lovchini aniqlab, unga maxsus imtiyoz yoki sovg‘a taqdim etish rejalashtirilgan.

Ma’lumot uchun, 2026-yilda xarid qilinishi rejalashtirilgan 14 ta zamonaviy harakat tarkibining barchasi Toshkent metropoliteni vagonlar parkiga yetkazib berilgan.