Toshkentda avtobus va metro yo‘lkirasi elektron to‘lovda 2 500 so‘mgacha oshishi mumkin
Toshkentda 1-oktabrdan avtobus va metroda bir martalik yo‘l haqini elektron to‘lovda amaldagi 1 700 so‘mdan 2 500 so‘mgacha oshirish taklif qilinmoqda. Bu qariyb 47 foizlik o‘sish degani.
Naqd pulda to‘lov tarifini esa 3 000 so‘m miqdorida saqlab qolish rejalashtirilgan.
Shuningdek, yangi abonementlar va transport almashtirish bilan bog‘liq tariflarni joriy etish ham ko‘zda tutilmoqda.
Toshkent shahar Kengashi qarori loyihasi 19-sentabrga qadar jamoatchilik muhokamasi uchun joylashtirilgan.
