Pensiya 20 yillik mehnat faoliyati asosida hisoblanishi rejalashtirilmoqda
Pensiya jamg‘armasi direktori Murodbek Otajonov OAVga bergan intervyusida pensiya tizimida rejalashtirilayotgan qator yangiliklar haqida ma’lum qildi.
– Ixtiyoriy jamg‘arib boriladigan pensiya tizimi joriy etilishi taklif qilinmoqda. Oyligidan 5 foiz ajratadigan xodimlarga davlat ushbu summaning yana 50 foizini qo‘shib beradi.
– Pensiyaning yuqori chegarasini oshirish taklif etilmoqda.
– Pensiya 20 yillik mehnat faoliyati davomida olingan ish haqi asosida hisoblanishi rejalashtirilmoqda.
– "Mening pensiyam" mobil ilovasi orqali fuqarolar mehnat staji, ish haqi, to‘langan soliqlar va jamg‘arilgan pensiya mablag‘larini real vaqt rejimida kuzatib borishi mumkin bo‘ladi.
Ta’kidlanishicha, mazkur takliflar hozircha muhokama bosqichida.
